Туулган датасы: 18.09.1981жыл. Ош облусуна караштуу, Кара-Кулжа айылы.

Аттокур уулу Илимбек 1981-жылы 18-сентябрда Кара-Кулжа районунун Кара-Кулжа айылында төрөлгөн. Билими жогорку.

2006-жылы Кыргыз мамлекеттик юридикалык академиясынын “юриспруденция” адистиги боюнча аяктаган.

2009-жылы Кыргыз Республикасынын Президентинин алдындагы Башкаруу академиясынын “Менеджмент” адистиги боюнча билим алган.

Аттокур уулу Илимбек эмгек жолун 2007-жылы Кыргыз Республикасынын Юстиция министрлигинде адис болуп иштеп баштаган.

2009-2010-жылдары Кыргыз Республикасынын Коррупцияны алдын алуу боюнча агенттигинде башкы адис кызматын аркалаган.

2011-2012-жылдары аралыгында Бишкек шаардык мэриясында жана Мамлекеттик каттоо кызматында адис болуп иштеген.

2013-2016-жылдары Кыргыз Республикасынын Жогорку Кеңешинин төрагасынын жардамчысы кызматында эмгектенген.

2016-2017-жылдары Кыргыз Республикасынын Ɵкмөтүнүн Аппаратынын регламент жана иш кагаздарын жүргүзүү бөлүмүнүн регламент жана Ɵкмөттүн жыйындарын уюштуруучулук камсыздоо секторунун башчысы кызматын ээлеген.

2018-2019-жылдары Кыргыз Республикасынын Президентинин Аппаратынын мамлекеттик башкаруу саясаты жана уюштуруу-инспектордук иш бөлүмүнүн өнүгүүгө мониторинг жүргүзүү секторунун эксперти болуп иштеген.

Ишиндеги жетишкендиктери үчүн бир катар мамлекеттик мекемелердин сыйлыктары менен жана Кыргыз Республикасынын
Ардак грамотасы менен сыйланган.

2019-2021-жылдары Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткаруу контролдоо бөлүмүнүн инспектору болуп эмгектенген.

Аттокур уулу Илимбек уюштуруучулук жөндөмү бар, тажрыйбалуу кызматкер. Ɵз ишине олуттуу мамиле кылуу менен ар кандай кырдаалдарда жоопкерчиликти алып, туура чечим чыгара алган мыкты кызматкер.

ЛОЗУНГ:«Иштеп келгенмин, дагы Иштеймин!»