Тема:

Окуу, саламаттык, спорт, туризм жана социалдык өнүгүү аркылуу адамдык капиталды чыңдоо

Көрүнүш

Ар бир жаран билимдүү, дени сак жана коомго активдүү катышкан мамлекет түзүү.

Миссия

Жергиликтүү деңгээлде билим, саламаттык, спорт жана социалдык коргоо системаларын өнүктүрүү аркылуу жашоо сапатын жакшыртуу.

Максат:

1. БИЛИМ БЕРҮҮ (ОКУУ) Ар бир балага жана жашына сапаттуу билим берүү үчүн жеткиликтүү шарт түзүү.

Негизги кадамдар:

-Мектептердин инфраструктурасын жакшыртуу (жылуулук, санитардык абал, интернет, окуу жабдуулары жана куралдары), -Педагогикалык кызматкерлердин квалификациясын жогорулатуу жана эмгегин баалоо системасын өркүндөтүү, -Талап кылынган практикалык адистиктер боюнча жаштарды даярдоо үчүн баштапкы кесиптик жана орто кесиптик билим берүүнү колдоо жана өнүктүрүү, -Аз камсыз болгон окуучулар үчүн билим берүү гранттарын жана стипендиялык программаларын киргизүү жана кеңейтүү.

Максат:

2. САЛАМАТТЫК САКТОО Ден соолук — адамдын негизги байлыгы; ар бир жаран үчүн жеткиликтүү жана сапаттуу медициналык тейлөө.

Негизги кадамдар:

Аймактык ФАП жана ооруканаларды заманбап жабдуулар менен камсыздоо, -Үй-бүлөлүк дарыгерлер институтун колдоо жана алардын айлык акысын көбөйтүүгө сунуш берүү, -Мобилдүү медицина (айылдарга барып кызмат көрсөтүү), - Саламат жашоо образын жайылтуу алдын алуу, туура тамактануу, скрининг программалары.

Максат:

3. СПОРТ, ТУРИЗМ ЖАНА ЖАШТАРДЫ ӨНҮКТҮРҮҮ Спорт жана маданий активдүүлүк аркылуу жаштардын дене жана руханий өнүгүүсүнө шарт түзүү.

Негизги кадамдар:

-Спорт аянтчаларын жана залдарын курууга жана оңдоого көмөктөшүү, - Спорттук секцияларды, туристтик борборлорду, туристтик жана жаштар клубдарын колдоо, - Спорттун улуттук жана заманбап түрлөрүн өнүктүрүү: көк бөрү, күрөш, футбол, жеңил атлетика, - Спорт жана туризм тармагында ийгиликтерге жетишкен жаштарды моралдык жана материалдык жактан колдоо

Максат:

4. СОЦИАЛДЫК КОРГОО  Калктын социалдык жактан аяр катмарына (жарды үй-бүлөлөр, мүмкүнчүлүгү чектелген жарандар, улгайгандар) колдоо көрсөтүү.

Негизги кадамдар:

-Социалдык жардамдын алуучулары үчүн санариптик база түзүү (метрикалык ачыктык), -Жашоосу оор жарандар үчүн “бирдиктүү терезе” принциби менен тейлөө борборлорун уюштуруу, - Карылар үйүнө, балдарга жана мүмкүнчүлүгү чектелгендерге кайрымдуулук долбоорлорун өнүктүрүү, - Социалдык кызматкерлерди окутуу жана стимулдаштыруу

Максат:

5. КӨРСӨТКҮЧТӨРДҮ МОНИТОРИНГ ЖАНА АЙКЫНДЫК -Ар бир долбоор боюнча жарым жылдык жана жыл сайын коомдук отчет даярдоо.

-Онлайн форматта “жарандын пикири” бөлүмүн иштетүү, -Жергиликтүү активисттер жана уюмдар менен биргеликте көзөмөл жүргүзүү.