КР ЖК шайлоо > > №19 шайлоо округу

Жогорку Кеңешке талапкер — Осмонов Мирбек Лисбекович
Шаар: Бишкек

 

КИРИШ СӨЗ

Кыргызстаныбыздын өнүгүүсү ар бир жарандын укугун, эмгегин жана турмушун коргоодон башталат. Менин максатым — элдин үнүн угуп, алардын көйгөйлөрүн мыйзамдуу жана системдүү түрдө чечүү. Ар бир үй-бүлөнүн коопсуз, татыктуу жана туруктуу жашоосу үчүн кызмат кылуу — бул менин башкы милдетим.

НЕГИЗГИ БАГЫТТАР

1. Жер маселеси жана менчик укугу

  • Ак-Ордо-3, Ата-Журт, Тынчтык жана Кудайберген конуштарындагы айыл чарба багытындагы үлүш жерлер боюнча берилген пай үлүш китептерди жокко чыгаруу.
    • Жер камагын толук тазалоо жана учурдагы соттук камактарды мыйзам чегинде чечүү.
    • Жер ээлеринин укугун коргоо жана ар бир үй-бүлөгө “кызыл китеп” алып берүү.
    • Жер мунапысынын алкагында документтери бүткөрүлбөй калган миңдеген жарандарга көмөк көрсөтүү.

2. Инфраструктура жана жашоо сапаты

  • Газ жана канализация маселесин толук чечүү. Ар бир жаңы конушта инженердик инфраструктураны толук ишке ашыруу.
    • Ак-Ордо-3 конушундагы Э. Иманалиев көчөсүн кеңейтүү. Азыркы учурдагы тар жолдордон улам келип чыккан кырсыктарды азайтуу үчүн жол курулушун кеңейтүү жана коопсуздукту жогорулатуу.

3. Социалдык колдоо жана жөлөк пул

  • Жөлөк пул алуу процессин жөнөкөйлөтүү.
    • Бардык документтерди “бир терезе” принциби аркылуу бир жерден алуу мүмкүнчүлүгүн түзүү.
    • Муктаж үй-бүлөлөргө социалдык колдоону ыкчам жана ачык берүү системасын киргизүү.

4. Коопсуздук жана мыйзамдуулук

  • Уурулукка каршы катуу чаралар көрүү. Акча жана алтын уурдагандарга 10 жылдан кем эмес жаза колдонуу.
    • Майда уурулуктар боюнча учурдагы мыйзамды өзгөртпөстөн калтыруу, бирок коомдук тартипти күчөтүү.

5. Эмгек жана иш менен камсыз кылуу

  • Тигүү цехтеринде иштеген айымдарга колдоо көрсөтүү. Эмгек китепчесин жеңилдетилген электрондук форматта жүргүзүү.
    • Жергиликтүү адистерди жумушка тартуу жана чет өлкөлүк жумушчу күчүн азайтуу.
    • Иш орундарын түзүү жана жаштардын жеке демилгелерин колдоо үчүн “Элдин үнү — жаштар фонду”н түзүү.

6. Билим берүү жана санариптик өнүгүү

  • Мектептердин окуу программасына жасалма интеллект жана программалоо сабактарын киргизүү.
    • Жаштардын IT тармагындагы билимине инвестиция салуу жана санариптик билим берүү борборлорун ачуу.

ЖЫЙЫНТЫК

Элдин ишеними — эң чоң жоопкерчилик. Менин программамдын ар бир пункту элдин жашоосун жакшыртуу, адилеттүүлүктү орнотуу жана өлкөбүздүн туруктуу өнүгүүсүнө багытталган. Биргеликте — таза, өнүккөн жана калыс Кыргызстанды кура алабыз!