БЕКЕШЕВ ДАСТАН ДАЛАБАЙЕВИЧ
Дастан Бекешев 1983-жылдын 22-ноябрында Кыргызстандын борбору Бишкек шаарында (мурунку Фрунзе) төрөлгөн. Ал алты жашында толугу менен көзүнөн ажыраган. Ошого карабастан Дастан кыйынчылыктарга моюн сунбай, көзү начар көргөн жана көзү азиз балдардын атайын мектеп-интернатын ийгиликтүү бүтүргөн.
Мектептен кийин Бекешев Борис Ельцин атындагы Кыргыз-Орус Славян университетине тапшырып, «юриспруденция» адистиги боюнча бакалавр даражасын алган. Эмгек жолу 2006-жылы Бишкек шаарынын Биринчи Май району боюнча Мамлекеттик салык кызматынын башкармалыгында башталган. 2007–2010-жылдары Кыргыз Республикасынын Экономика министрлигинде башкы адис, бөлүм жетекчиси кызматтарында эмгектенген.
2010-жылы Дастан Бекешев «Ар-Намыс» саясий партиясына кошулуп, партиялык тизме менен Жогорку Кеңештин депутаты болуп шайланган. 2014-жылы идеологиялык себептерден улам «Ар-Намыс» партиясынан чыгып, санаалаштары менен биргеликте жаңы «Ак-Ниет» деген саясий партиясын негиздеген.
2021-жылы жаңы Конституция кабыл алынып, Жогорку Кеңешке бир мандаттуу округдардан шайланууга мүмкүнчүлүк түзүлгөндөн кийин, Дастан Бекешев өз талапкерлигин койгон. Анын шайлоо кампаниясы эң жаркын жана эсте каларлык кампаниялардын бири болгон. Ал өзүнүн шайлоо кампаниясына каражат чогултуп, жыйынтыгында аны колдогон тарапташтары жана шайлоочуларынан 3,6 миллион сом топтогон.
Дастан Бекешев шахмат боюнча спорт чеберлигине талапкер. Анын пикиринде, мектептерде шахмат ийримдерин ачуу зарыл, анткени «бул өспүрүмдөрдүн эс тутумун, логикасын жана аналитикалык ой жүгүртүүсүн өнүктүрүп, келечеги үчүн чоң пайда алып келет».
2015-жылы Дастан Бекешевдин демилгеси менен Кыргызстандагы көзү начар көргөн жана көзү азиз балдар үчүн атайын мектептер 1990-жылдардан бери биринчи жолу Брайль шрифти менен жана ири шрифт менен басылган атайын окуу китептерине ээ болушкан.
Үй бүлөөлүү, 3 баланын атасы.