Мен, Куручбеков Аскарбек Бактыбекович, 1991-жылдын 13-сентябрында Кыргыз Республикасында төрөлгөм. Кыргыз Республикасынын жаранымын.

1998-жылы Бишкек шаарындагы гимназияга кабыл алынып, жалпы орто билим ала баштадым, андан соң билимимди Балыкчы шаарындагы орто мектепте окудум.

2006–2007-жылдары Билим берүү боюнча стратегиялык изилдөөлөр институтунда (ИСИТО) билим алдым.

2007-жылы И. Раззаков атындагы Кыргыз мамлекеттик техникалык университетине тапшырып, 2012-жылы «Энергетикадагы менеджмент» адистиги боюнча аяктадым.

2023-жылы Кыргыз Республикасынын Президентинин алдындагы Мамлекеттик башкаруу академиясынын магистратурасына өтүп, «Мамлекеттик башкаруу жана саясат» адистиги боюнча билим алып жатам. Окуумду 2025-жылы аяктайм.

Эмгек жолумду 2007-жылы медиа жана коомдук коммуникациялар тармагында баштагам. 2007–2018-жылдары социалдык жана коммерциялык долбоорлорду режиссёр жана продюсер катары иштеп келгем.

2010–2011-жылдары БУУнун Аялдар программасынын (UNIFEM) «Кыргыз Республикасында айылдык аялдардын экономикалык коопсуздугун чыңдоо» долбоорунда видеооператор болуп иштегем.

2012–2014-жылдары улуттук кинопроизводстводо жогорку баа алган бир катар көркөм тасмаларды жараткам. Акыркы жылдары өз каражатымдын эсебинен кыргыз тилиндеги балдар видеороликтерин чыгарып, аларды акысыз негизде КТРК коомдук телеканалына бергенмин.

2018-жылы III Дүйнөлүк көчмөндөр оюндарында медиа-группа *«Press Ordo»*нун ишин уюштурууга жана алып барууга катышкам.

2019-жылы Бишкек шаардык кеңешинин XXVII чакырылышынын депутаты болуп шайланып, социалдык маселелер боюнча комиссиянын төрага орун басары болуп иштегем.

2022–2024-жылдары Кыргыз Республикасынын Жогорку Кеңешинде парламенттик фракциянын лидерин кеңешчи катары иштеп келгем.

2024-жылдан тартып билим берүүнү өнүктүрүүгө, санариптештирүүгө жана жаштар үчүн жаңы мүмкүнчүлүктөрдү түзүүгө багытталган заманбап китепкана долбоору *«TigiBooks»*тун автору жана жетекчиси болуп иштеп келем.

Үй-бүлөлүүмүн, үч баланын атасымын. Кыргыз жана орус тилдерин эркин билем.

Сыйлыктар жана ардак грамоталар

• «Мамлекеттик жарандык кызматтын 3-класстагы кеңешчиси»
• Бишкек шаарынын Первомай райондук администрациясынын Ардак грамотасы — жергиликтүү өз алдынча башкарууну өнүктүрүүгө жана коомдук активдүүлүккө кошкон зор салымы үчүн
• Кыргыз Республикасынын Саламаттык сактоо министрлигинин Ыраазычылык каты — пандемия маалында жарандарга көрсөткөн активдүү жардамы үчүн
• «Балыкчы шаарына 70 жыл» медалы — шаардын социалдык-экономикалык өнүгүшүнө кошкон салымы үчүн
• Кыргыз Республикасынын Премьер-министринин Ыраазычылык каты — III Дүйнөлүк көчмөндөр оюндарын уюштурууга активдүү катышкандыгы үчүн
• «Жогорку Кеңешке 85 жыл» медалы — коомдук-саясий ишмердүүлүктөгү жемиштүү эмгеги үчүн