АЛТЫБАЕВА АЙНУРУ ТОЙЧИЕВНА
Алтыбаева Айнуру Тойчиевна 1958-жылы 28-февралда Ош шаарында туулган.
1965-жылы Ош шаарындагы Ломоносов атындагы орто мектептин 1-классына кирип, 1975-жылы жогоруда аталган мектепти аяктаган.
1975-жылы Кыргыз мамлекеттик университетинин экономика факультетине тапшырган.
1979-жылы окууну ийгиликтүү аяктагандан кийин Ош областтык аткаруу комитетинде улук экономист болуп иштей баштаган, 1997-жылга чейин ошол жерде эмгектенген.
1997-2006-жылдары Мамлекеттик салык кызматында ар кандай кызматтарды ээлеген.
2007-жылдын ноябрь айынан 2008-жылдын июнь айына чейин Кыргыз Республикасынын Социалдык фондунда төрагасынын кеңешчиси, Бишкек шаарынын Свердлов райондук башкармалыгынын жетекчисинин орун басары болуп иштеген.
2008-жылдын июнь айында Кыргыз Республикасынын Жогорку Кеңешинин депутатынын консультанты болуп ишке алынган, бул кызматта 2010-жылдын февраль айына чейин иштеген.
2010-жылы парламенттик шайлоого катышып, анын жыйынтыгында Кыргыз Республикасынын Жогорку Кеңешинин бешинчи чакырылышына депутат болуп шайланган.
2015-жылдын октябрында Кыргыз Республикасынын Жогорку Кеңешинин алтынчы чакырылышына депутат болуп шайланган.
2022-жылдан ушул күнгө чейин Кыргыз Республикасынын Президентине караштуу Улуттук илимдер академиясынын Мамлекет жана укук институтунда эмгектенет.
Үй-бүлөлүү, эки баласы жана беш небереси бар.