ПАТРИОТ ЫНТЫМАГЫ» САЯСИЙ ПАРТИЯСЫНЫН ПРОГРАММАСЫ
Биздин приоритеттер:
- Кадр резервдерин түзүү жана жаны, жаш, билимдүү кадрларды жергиликтүү өз алдынча башкаруу органдарына алып келүү;
- Шайлоого активдүү катышуу жана жеңишке жетишүү;
- БИЛИМ БЕРҮҮ ТАРМАГЫН ЖАКШЫРТУУ
Балдарыбыздын келечеги - алардын алган билиминде.
Билим берүү мекемелерине тиешелүү болгон ар бир мектептин, бала бакчанын өзүнө тиешелүү ар кандай мүнөздөгү көйгөйлөрүн чечүүгө карата иш алып баруу;
- Шаардык мектептерди интернет менен камсыз кылуу үчүн жалпы 200 мин сом акча каражаты талап кылынат, бул акча каражатын жергиликтүү бюджеттин эсебинен башка пайдасыз чыгымдарды кыскартуу менен чечсе болот;
- Шаарыбыздын мектептеринде персоналдык компьютерлер жетишпейт, бул маселени чечүү үчүн жыл сайын бир мектепти персоналдык компьютерлер менен камсыздасак болот.
- Мугалимдердин, тарбиячылардын ден-соолугун чындоо, дарылануусу боюнча маселелерин кароо;
- Бала бакчаларда, мектептерде 1-4-класстардын окуучуларын ысык тамак менен камсыз кылуу; социалдык жактан аз камсыз үй-бүлөдөгү балдарга женилдиктерди берүү боюнча маселелерди чечүү;
- Мектептерде «Энелер мектебин» уюштуруу жана өнүктүрүү;
- Шаардын билим берүү системасынын көйгөйлөрүн, муктаждыктарын жана ошондой эле билим берүүнүн сапатын көтөрүү үчүн жергиликтүү бюджеттин эсебинен жылына 5 миллион сомго жакын акча каражаттарын бөлдүртүп туруу;
- Нарын шаарындагы мектепке чейинки билим берүү мекемелериндеги бөбөктөрдүн тамак- ашына жергиликтүү бюджеттин эсебинен бөлүнүүчү акча каражатынын көлөмүн жылына мүмкүнчүлүккө жараша көтөрүп берүү.
- САЛАМАТТЫК САКТОО ТАРМАГЫН ЖАКШЫРТУУ:
o Нарын шаарындагы дарыгерлердин жетишсиздик маселесин чечүү үчүн Биздин партия жылына Нарын шаарынын мектеп бүтүрүүчүлөрүнөн 3 бүтүрүүчүнү медициналык окуу жайларына тапшыруусуна жана алардын чыгымдарын (келишимдик негизинде)жергиликтүү бюджеттин эсебинен төлөп берүү менен кийин Нарын шаарына 5 жылдык мөөнөткө иштеп берүү милдеттенмеси менен маселени чечүүнү сунуштайт;
o Нарын шаарына келип иштеп жаткан жаш дарыгерлерди (3 дарыгер) колдоо максатында алардын батиринин ижара акыларын жергиликтүү бюджеттин эсебинен 10 000 сомдон төлөп берүү жагын колго алабыз;
o Нарын шаарынын тургундарынын саламаттыгына кам көрүп келген саламаттыкты сактоо мекемелеринин муктаждыктарын чечүү үчүн жергиликтүү бюджеттин мүмкүнчүлүгүнө жараша жылына бир миллион сомго чейин жардам көрсөтүү жагын колго алабыз.
- АДАМ УКУКТАРЫН КӨТӨРҮҮ, МАМЛЕКЕТТИК, МУНИЦИПАЛДЫК ЖАНА КАЛКТЫ ТЕЙЛӨӨ КЫЗМАТТАРЫНЫН САПАТТАРЫН ЖОГОРУЛАТУУ:
- Жергиликтүү өз алдынча башкаруу органдарында жарандарды тейлөөнү жакшыртуу.
- Кайрылууларды электрондук багытта иш жүргүзүү менен жакшыртуу;
- БЮДЖЕТТИН АЧЫКТУУЛУГУН КАМСЫЗДОО:
- Бюджеттин ачыктуулугун камсыз кылуу;
- Жергиликтүү бюджетти сарамжалдуу пайдалануу жана киреше-чыгаша бөлүгүн калкка ачык- айкын жеткирүү;
- Жергиликтүү бюджетти бекитүүдө калктын катышуусун жогорулатуу.