Мамлекеттик башкаруу жана стратегиялык чечимдерди кабыл алуу жаатында менин көз караштарым төмөнкү принциптерге негизделет:
- КАСТАШУУ ЭМЕС – ДИАЛОГ. Адилеттүү жана бакубат коомду түзүүгө көмөктөшүүчү фактор.
- ТИРЕШҮҮНҮН ОРДУНА ӨНӨКТӨШТҮК. Бул принцип мамлекеттин туруктуулугун камсыз кылуунун негизги фактору экенине бекем ишенем.
- КӨЙГӨЙЛӨРДҮ ЖАШЫРБА - аларды көрүп, чеч. Өнүктүрүүдөгү системалык карама-каршылыктарды аныктоо мүмкүнчүлүгү - бул ийгиликтин жарымы.
- Башаламандыктын ордуна ТУРУКТУУЛУК ЖАНА СИСТЕМА.
ШАЛАКЫЛЫККА ЖОЛ БЕРБӨӨ, ТОКТОТУУ. Мамлекеттик кызматкерлердин шалаакылыгы, кайдыгерлиги кастык жана чыккынчылык деп эсептейм.
Башкаруу чечимдерин кабыл алууда МОБИЛДҮҮЛҮК ЖАНА ЫЛДАМДЫК. Менин иштөө принцибим – ЭРТЕН ЭМЕС, БҮГҮН!
Демилгелер.
Кыргыз Республикасынын Жогорку Кеңешиндеги ишмердүүлүгүмдүн алкагында жана депутаттык ыйгарым укуктарга ылайык төмөнкү негизги багыттар боюнча иштерди жүргүзүүнү максат кылам:
- Бир нече инфраструктуралык долбоорлорду ишке ашыруу боюнча демилгелер, анын ичинде Ысык-Көл облусун газдаштыруу маселеси жана айыл чарба жерлеринин ирригациялык системаларын жана Балыкчы жана Чолпон-Ата шаарларынын жалпы ирригациялык системаларын модернизациялоо маселесин чечүү.
- Жергиликтүү өз алдынча башкаруу органдарынын ишин жакшыртууга багытталган демилгелер (финансылык туруктуулугун камсыздоо маселелери, жарандык демилгелерди жергиликтүү бюджеттин каражаттарынын эсебинен каржылоо мүмкүнчүлүгүн берүү).
- Эмгек акыга болгон салыктарды кайра карап чыгуу аркылуу айрым социалдык кызматкерлердин материалдык шарттарын жакшыртуу.
- Региондордо жаш адистердин ишмердүүлүгүн жакшыртуу жана мотивациялоого багытталган нормативдик чечимдерди кабыл алуу (эмгек акыга салык жүгүн олуттуу кыскартуу аркылуу ж.б.у.с).