Тажрыйба, кесипкөйлүк, жөнөкөйлүк менен – адамды урматтоо»

1. Кириш сөз

Өлкөбүздүн эң башкы, чындап баа жеткис байлыгы – бул анда жашаган адамдар.

Программанын борборунда адам турат: анын өнүгүүсү, жөндөмүн жана талантын ачуу, бактылуу жашоого жетишүүсү.

Мамлекеттик башкаруу системасын өркүндөтүүдө адамды урматтоо – сапаттуу өзгөрүүлөрдүн негизи.

Мунун аркасында жарандардын басымдуу көпчүлүгүнө ыңгайлуу, өнүккөн өлкөнү түзүүгө болот.

Биз сунуш кылган коомдун өзгөчөлүктөрү:

- адамдардын ден соолугу жана өмүрүнүн узактыгы;

- билимдин жана медицинанын сапаты жана жеткиликтүүлүгү;

- эмгекке урмат, тилектештик, боорукердик;

- бай маданий жана чыгармачыл жашоо.

Мамлекеттин натыйжалуулугу — улуттун ден-соолугуна жараша аныкталат.

1. Саламаттыкты сактоо саясаты

Мамлекеттин биринчи милдети – ооруларды дарылоо эмес, ден-соолукту коргоо.

Саламаттык сактоону туура уюштуруу аркылуу ооруп калгандардын жана ооруканага муктаждардын саны кескин азайышы мүмкүн.

Негизги багыттар:

1. Медициналык жардамдын элге жакындыгын жана сапатын камсыз кылуу.
2. Аймактарга дарыгерлерди тартуу программаларын иштеп чыгуу.
3. Реалдуу диспансеризациялоо жана массалык спорт үчүн инфраструктура түзүү.
4. Дарыгерлерди максималдуу бюрократиядан бошотуу – бейтап менен иштөөгө көбүрөөк убакыт берүү.
5. Саламаттык сактоодо рыноктук мамилелерге жол бербөө.
6. Медицина кызматкерлеринин кадыр-баркын жана эмгек акысын жогорулатуу.
7. Жаңы ооруканалар куруу жана заманбап медициналык жабдуулар менен камсыз кылуу.
8. Медициналык билим берүү менен практиканы тыгыз байланышта жүргүзүү.

Принцип: саламаттык сактоо – бул бизнес эмес, адамдык жана мамлекеттик милдет.

III. Билим берүү жана илим

Билим берүү – келечекке татыктуу инвестиция!

XXI кылымда билим улуттун эркиндигин, гүлдөп - өнүгүшүн жана коопсуздугун аныктайт.

Бирок азыркы учурда билим берүү системасында олуттуу көйгөйлөр бар:

- мугалимдердин эмгеги реалдуу бааланбайт;

- материалдык-техникалык база эскирген;

- билимдин сапаты заманбап талаптарга жооп бербейт.

Билим берүүнүн негизги максаты:

Эркин, жоопкерчиликтүү, адептүү жана кесипкөй жаранды тарбиялоо.

Өнүктүрүү багыттары:

1. Үзгүлтүксүз билим берүү стратегиясын ишке ашыруу.
2. Мектепке чейинки билим берүүнү кеңейтүү.
3. Билим берүү уюмдарынын академиялык эркиндигин камсыз кылуу.
4. Мамлекеттик-жеке өнөктөштүктү өнүктүрүү.
5. Билим берүүгө жеткиликтүү насыяларды мыйзамдаштыруу.
6. Педагог кесибинин кадыр-баркын жогорулатуу жана социалдык абалын жакшыртуу.

1. Айыл чарба жана агрардык саясат

Кыргызстандын экономикасынын негизги бөлүгү – айыл чарба.

Агрардык өнүгүүдө мамлекет менен рыноктун тең салмактуу катышуусу зарыл.

Башкы милдеттер:

1. Айыл чарба кооперативдерин жана азык-түлүк биржасын түзүү.
2. Логистикалык борборлорду куруу жана сактоо системасын жакшыртуу.
3. Айыл чарба кооперациясын стимулдаштыруу.
4. Фермерлерге жана үй-бүлөлүк чарбаларга жеңилдетилген кредиттер жана гранттар берүү.
5. Органикалык айыл чарбасын өнүктүрүү.
6. Агротуризмди жана элдик кол өнөрчүлүктү колдоо.
7. Айыл чарба адистерин даярдоого квоталарды киргизүү.

Негизги максат: айылда жашоо сапатын көтөрүү, жаштарга мүмкүнчүлүк берүү.

1. Айыл жана шаарларды өнүктүрүү

Айыл өнүкпөсө — өлкө өнүкпөйт.

Айыл аймактарынын жана шаарлардын инфраструктурасын жаңылоо — стратегиялык багыт.

Айылдар үчүн:

- саламаттык сактоо, билим берүү, маданият, спорт объекттерин сактоо жана парк зоналарын куруу;

- жолдорду, суу жана энергия менен камсыздоону жакшыртуу;

- жергиликтүү элди жумуш менен камсыздоо маселерин ишке ашыруу;

Шаарлар үчүн:

- транспорт жана инженердик тармактарды модернизациялоо;

- социалдык инфраструктура куруу (университет, оорукана, спорт);

- турак-жай курулушун кеңейтүү;

- бардык аймактарды интернет менен камсыз кылуу.

1. Ишкердикти өнүктүрүү

Кичи жана орто бизнес — экономиканын негиздеринин бири.

Мамлекет бизнеске жардам берүүчү өнөктөш болуусу зарыл.

Башкы багыттар:

1. Бизнес чечимдерине эксперттик коомчулуктун катышуусун камсыз кылуу.
2. Ишкердик инфраструктурасын өнүктүрүү.
3. Узак мөөнөттүү, жеткиликтүү кредиттерди берүү.
4. Чиновниктердин жеке жоопкерчилигин киргизүү.
5. Фискалдык жүктү азайтуу жана көмүскө экономиканы кыскартуу.

VII. Жыйынтык

Биздин жарандардын жана шайлоочулардын бакубаттуулугун жогорулатуу.

Негизги баалуулук — адам жана анын кадыр-баркы.

Биздин милдет — мамлекетке, элге жана 3 шайлоо округунун жарандарына чын дилден кызмат кылуу.

Биздин программа — ачык, конструктивдүү жана ар бир жарандын сунушуна даяр документ.