Кыргыз Республикасынын Жогорку Кеңешине талапкер
Сатывалдыева Гулнура Ганыбаевнанын
ШАЙЛОО ПРОГРАММАСЫ
Менин максатым — элдин үнүн жеткирип, анын кызыкчылыктарын парламенттик деңгээлде коргоо.
Биздин өлкөнүн өнүгүүсү мыйзамдын сапатына жана элге кызмат кылган чечимдерге түздөн-түз байланыштуу. Ошондуктан, мен ар бир мыйзам сунушун элдин турмушуна оң таасир бере тургандай кылып иштеп чыгууга умтулам.
- ТАТЫКТУУ ЖАШОО
- Элдин саламаттыгын жана социалдык колдоону жакшыртуучу мыйзамдарды күчөтүү.
- Аймактардагы кадр жетишпештигин алдын алуу жана кесипкөй адистерди колдоо боюнча атайын программа бекитүү .
- Ар бир жаран үчүн жеткиликтүү жана сапаттуу медициналык тейлөөнү камсыздоого багытталган мыйзамдарды кабыл алуу.
- Карыларды, көп балалуу үй-бүлөлөрдү жана оор турмуштук абалдагы жарандарды социалдык жактан коргоону чыңдоо.
- ТАТЫКТУУ КИРЕШЕ
- Аймактарда кошумча жумуш орундарын түзүү жана чакан ишкердикти өнүктүрүүгө мамлекеттик колдоо боюнча мыйзамдык шарттарды түзүү.
- Региондорго инвестиция тартуу жана жергиликтүү ишкерлерди колдоо боюнча чараларды кабыл алуу.
- Мигранттардын мекенине кайтып келип, ишке орношуу мүмкүнчүлүктөрүн камсыз кылган мыйзамдарды иштеп чыгуу.
- САПАТТУУ БИЛИМ
- Билим берүү тармагын мамлекеттик деңгээлде көбүрөөк каржылоо.
- Чет элдик адистерди тартуу жана заманбап билим берүү стандарттарын киргизүүнү мыйзам менен колдоо.
- Мугалимдерди шыктандырууга багытталган мамлекеттик программаларды киргизүү.
- ИЙГИЛИКТҮҮ ЖАШТАР
- Жаштардын билимине жана кесиптик өнүгүүсүнө инвестиция салуу. Мыйзам деңгээлинде жаштарга жаңы көндүмдөрдү үйрөтүүчү жана инновациялык билим берүү программаларын колдоо.
- Жаш ишкерлерди колдоо үчүн укуктук жана каржылык шарттарды түзүү. Стартаптарга, демилгелүү жаштарга жеңилдетилген салыктык жана каржылык механизмдерди иштеп чыгуу.
- Региондордо жаштар ишин өнүктүрүү үчүн инфраструктура түзүү. Бизнес-хабдар, акселераторлор жана колдоо борборлорун ачуу, жаштар долбоорлорун каржылоого квоталарды киргизүү.
- ДЕНИ САК АЙМАК
- Балдар жана массалык спортту өнүктүрүү боюнча мыйзамдарды өркүндөтүү.
- Олимпиядалык спорт түрлөрүн жайылтуу жана жаш спортчуларды колдоо.
- Ден соолукту чыңдоону мыйзамдык деңгээлде колдоо жана мүмкүнчүлүгү чектелген адамдар үчүн ыңгайлуу шарттарды түзүү.