МАШРАПОВА ГҮЛАЙ ЭГЕМНАЗАРОВНА
ӨМҮР БАЯН
Мен, Машрапова Гүлай Эгемназаровна 1956-жылы 9-октябрында, Кара-Суу районуна караштуу Жоош айыл аймагынын Большевик айылында, жумушчунун үй бүлөсүндө туулганмын. 1963-жылы №73 Токтогул атындагы орто мектебине 1- класска окууга барып, 1973-жылы 10-классты аяктадым.
1973-жылы Ош шаарындагы Ош педагогикалык институтуна тапшырып, 1978-жылы окуу жайды ийгиликтүү бүтүрдүм. Ошол эле жылы Жоош айыл аймагындагы №73 Токтогул атындагы орто мектебинде кыргыз тили жана адабияты мугалими болуп эмгек жолун баштадым.
1983-жылдан 1985-жылга чейин аталган мектепте окуу-тарбия иштери боюнча директордун орун басары, 1985-жылдан 1993-жылга чейин Жоош айылдык Кеӊешинин төрайымы, 1993-1995-жылдары Кара-Суу райондук Кеӊешинин төрайымы, 1995-1997-жылдары Ош облустук билим берүү жана маданият башкармалыгынын башчысынын орун басары, 1997-1999-жылдары Кара-Суу райондук билим берүү бөлүмүнүн башчысы, 1999-2007-жылдары Ош облустук билим берүү башкармалыгынын башчысы, 2008-2009-жылдары Ош облустук мамлекеттик администрациясынын башчысынын орун басары, 2011-2013-жылдары Ош шаардык билим берүү башкармалыгынын башчысы, 2018-жылдан 2023-жылга чейин Кара-Суу райондук билим берүү бөлүмүнүн башчысы кызматтарын аркаладым.
Учурда Жоош айыл аймагынын Большевик айылында жашайм. Эки уул, бир кызым жана он неберем бар.