Кыргыз Республикасынын
Жогорку Кеңешинин депутаттыгына
талапкер
Ормонова Авазкан Чынбердиевнанын
шайлоо алдындагы платформасы
«Жаңы дем - жаңы келечек!»
Максатым:
Ар бир адам үчүн коопсуз чөйрөнү түзүү жана бактылуу үй-бүлө курууга мүмкүнчүлүк берген өлкөнү калыптандыруу.
Социалдык биримдүүлүк жана бактылуу үй-бүлө:
- Коомдогу ынтымакты жана социалдык биримдүүлүктү күчөтүү, маданий иш-чаралар аркылуу кызматташуу маданиятын өнүктүрүү.
- Социалдык колдоо чараларын бекемдөө – муктаж үй-бүлөлөргө, көп балалуу ата-энелерге жана улгайган адамдарга жардам көрсөтүүнү кеңейтүү.
- Бюджеттен каражат бөлүштүрүүдө приоритеттуу багыт катары - бала бакчалардын жана мектептердин жеткиликтүүлүгүн камсыз кылуу.
- Саламаттыкты сактоо жана оорулардын алдын алуу программаларын колдоо, аймактарда медициналык кызматтардын жеткиликтүүлүгүн жогорулатуу.
Билим берүү жана жаштарды колдоо:
- Мектептерде заманбап билим берүү жана санариптик технологияларды киргизүү боюнча мыйзамдарды сунуштоо.
- Жаштар үчүн ментордук жана лидерлик программаларын иштеп чыгуу, алардын потенциалын ачууга жана коомго салым кошуусуна шарт түзүү.
- Чет өлкөдөн тажрыйба алган жаштарга бизнес ачууга мүмкүнчүлүк берүүчү программаларды демилгелөө.
- Өспүрүмдөрдүн психологиялык өнүгүүсүн жана журум-турумун колдогон программаларды иштеп чыгуу.
Адамдык капиталды өнүктүрүү
- Ар бир жаранга сапаттуу билим жана жеткиликтүү саламаттык сактоону камсыз кылуу.
- Жаштар үчүн билим алуу, жумуш табуу жана потенциалын ачуу мүмкүнчүлүктөрүн кеңейтүү.
- Аялдардын ишкердикке, саясатка жана коомдук турмушка активдүү катышуусуна шарт түзүү.
- Инновацияларды, жаңы технологияларды жана чыгармачылыкты колдоо.
Адилеттүүлүк жана коопсуздук
- Коррупцияга каршы мыйзамдарды күчөтүү, мамлекеттик кызматкерлердин жоопкерчилигин жогорулатуу жана бюджеттин ачыктыгын камсыз кылуу.
- Шайлоо процессинин ачык-айкындуулугун камсыз кылуу жана добуш сатып алууга каршы күрөшүү.
- Жаштар арасында кылмыштуулуктун алдын алуу үчүн тарбиялык, маданий жана спорттук программаларды колдоо.
Күчтүү экономика жана жаңы жумуш орундар
- Дыйкандарды, чакан жана орто бизнести колдоого багытталган мыйзамдарды кабыл алуу.
- Микрокаржылоо жана жеңилдетилген насыя программаларын киргизүү.
- Айыл чарба кооперативдерин өнүктүрүүгө шарт түзүү.
Региондорду өнүктүрүү
- Калктын мамлекеттик жана муниципалдык кызматтарга жеткиликтүүлүгүн камсыз кылуу.
- Айылдык инфраструктураны (жолдор, суу, электр энергиясы) өнүктүрүүгө багытталган мыйзамдарды колдоо.
- Жергиликтүү өз алдынча башкарууну күчөтүү жана жергиликтүү бюджеттердин ачыктыгын камсыз кылуу.
- Аймактык экономиканы колдоо үчүн инвестицияларды тартуу, чакан жана орто бизнести өнүктүрүү жана жаңы жумуш орундарын түзүү.