Азрет Али Аттокуровдун шайлоо алдындагы Программасы
Мен, Аттокуров Азрет Али – Кыргызстандын өнүгүүсүнө өз салымын кошууну каалаган, Кара-Кулжа жана Өзгөн райондорунун калкынын үнүн угуп, көйгөйүн чечүүгө даяр жаш муундун өкүлүмүн. Менин максатым – аймагыбыздын өнүгүүсүнө реалдуу салым кошуу.
Биздин аймакта жаштар тегиз билим алып, жумуш менен камсыз болуп, сапаттуу жашоо мүмкүнчүлүгүнө ээ болушу керек. Ошондой эле, ар бир үй-бүлө туруктуу киреше таап, ар бир айылдын жашоочулары таза суу, жол жана сапаттуу кызмат көрсөтүүлөр менен камсыз болушу шарт.
Кара-Кулжанын жана Өзгөндүн жаштары – демилгелүү жана мекенчил. Мен алардын саясий жана экономикалык активдүүлүгүн колдойм. Жаштардын демилгеси – өлкөнүн келечеги!
БИЛИМ БЕРҮҮ ЖАНА ЖАШТАР САЯСАТЫ
- Жаштардын сапаттуу билим алуусун камсыз кылуу (стипендия, гранттар, чет өлкөлөргө практика программалары);
- ЖОЖдор менен мекеме-ишканалардын кызматташтыгын күчөтүү (студент иш тажрыйбасын билим алып жаткан кезден алуусу керек);
- Билим алууну каалаган жаштарга мамлекеттик банктар аркылуу жеңилдетилген насыяларды берүү;
- Кара-Кулжа жана Өзгөндө жаштар борборлорун түзүү, спорт жана маданий долбоорлорду колдоо.
ЭКОНОМИКА ЖАНА ИШКЕРДИК
- Аймактардагы чакан жана орто бизнеске салык жеңилдиктери;
- Туризмди өнүктүрүү: Кара-Кулжанын тоолору, Өзгөндүн тарыхый мурастары – жергиликтүү киреше булагы болуш керек.
ЖОЛ ЖАНА ИНФРАСТРУКТУРА
- Кара-Кулжа жана Өзгөндүн алыскы, жетүүгө кыйын аймактарындагы жолдорду жасоо;
- Тоолуу айылдарга электр, мобилдик байланыш жана интерннет жеткирүү.
АЙЫЛ ЧАРБА ЖАНА АЙМАКТЫК ӨНҮГҮҮ
- Дыйкан жана мал чарбачылыгына жеңилдетилген насыялар, субсидиялар;
- Кара-Кулжанын балы, Өзгөндүн күрүчү сыяктуу аймактык бренддерди экспортко чыгаруу;
- Сугат суу, ирригация жана жол көйгөйлөрүн чечүү.
ЭКОЛОГИЯ ЖАНА ЖАШОО САПАТЫ
- Таза сууга муктаж бир да айыл, кыштак калбашы керек;
- Бардык аймактарда, анын ичинде алыскы, жетүүгө кыйын айылдарда да мектеп, бала бакча, ооруканалар курулуп, заманбап жабдыктар менен камсыздалышы керек;
- Жашыл энергия долбоорлорун жайылтуу.
Мен, Кыргызстаныбыз өнүгүп-өсүп, жакынкы жылдары кубаттуу мамлекетке айланарына терең ишенем!