Максат жана миссиям Менин миссиям — мыйзам долбоорлору жана мамлекеттик органдар менен тыгыз кызматташуу аркылуу биздин аймактын өнүгүшүнө, инфраструктуранын жакшыртылышына, жумуш орундарын түзүүгө жана элдин жашоо сапатынын жогорулашына өбөлгө түзүү. Максатым — жарандар өз жеринде, өз үй-бүлөсүнүн жанында жашап, иштей алган шарттарды түзүү.
2. Экономика жана айыл чарбасын өнүктүрүү - Аймактагы дыйкандарды, чакан жана орто бизнести колдоого багытталган мыйзамдарды илгерилетүү (жеңилдетилген насыялар, субсидиялар). - Ноокен жана Базар-Коргон райондорунда пахта өндүрүшүн жандандыруу, кайра иштетүү тармагын өнүктүрүү. - Аялдардын ишкердигин колдоо, жумуш менен камсыз болуусуна шарт түзүү.
3. Үй-бүлө жана социалдык колдоо - Көп балалуу, аз камсыз болгон үй-бүлөлөрдү жана мүмкүнчүлүгү чектелген балдарды колдогон мыйзамдарды иштеп чыгуу. - Аймакта бала бакчалардын жана кошумча билим берүү борборлорунун санын көбөйтүү.
4. Саламаттыкты сактоо - Округда жаңы заманбап оорукана курулушун камсыз кылуу, ар бир жаран өз жеринде сапаттуу медициналык жардам ала алышы үчүн.
5. Билим берүү жана жаштар - Жаштар үчүн сапаттуу билимге тең мүмкүнчүлүк түзүү. - Кесиптик-техникалык окуу жайларды өнүктүрүү, жаштардын аймакта талап кылынган адистиктерди үйрөнүшүнө шарт түзүү. - Таланттуу студенттерди гранттар жана стипендиялар аркылуу колдоо.
6. Инфраструктура жана аймакты өнүктүрүү - Жолдорду, суу системасын жана электр тармагын оңдоо иштерин илгерилетүү. - Көпүрө, мектеп жана оорукана курулушуна мамлекеттик бюджеттен каражат бөлдүрүүгө аракеттенүү. - Мамлекеттик программалар аймактарга чыныгы түрдө жетишин камсыз кылуу, кагаз жүзүндө гана калтырбоо.
7. Баалуулуктар жана принциптер Мен ишенем: күчтүү мамлекет күчтүү үй-бүлөдөн башталат. Максатым — ата-энелер чет өлкөгө кетпей, өз жеринде татыктуу иштеп, үй-бүлөсүнүн жанында жашашы. Ар бир үй-бүлө эртеңки күнгө ишеним менен карап, ар бир бала билим алып, келечегине ишенишин каалайм. Мен парламентке Ноокен жана Базар-Коргон райондорунун тургундарынын кызыкчылыктарын коргоо жана өлкөнүн өнүгүшү үчүн иштөө максатында бара жатам.
