Мен, Мамытканова Тамара Акимжанова, 1973-жылы

1-октябрда Ош областынын Токтогул районунун Уч-Терек айылында мугалимдин үй-бүлөсүндө төрөлгөнмүн. 1980-1991-жылдары орто мектепте окуганмын. 1991-1993-жылдары Жалал-Абад щаарындагы кооператив техникумунда окуп, “Товаровед”адистигине ээ болгонмун.

Өзүмдүн алгачкы эмгек жолумду 1999-жылы Кара-Көл шаардык ооруканада эсептик бухгалтер болуп иштөөдөн баштаганмын.

2002-2007-жылдары Жалал-Абад Экономика жана Ишкердик университетинин “ Финансы жана кредит” адистиги боюнча сырттан окуп “Экономист” квалификациясына ээ болдум.

2002-2008-жылдары “Кыргызтелеком” ААКтын Кара-Көл бөлүмүндө оператор-кассир, экономист, башкы бухгалтер болуп эмгектендим. 2013-2021-жылдары “ Гидропроект” Долбоор Изилдөө Институтунда эсептик бухгалтер, кадрлар бөлүмүнүн кызматкери болуп иштедим. Бүгүнкү күндө Кара-Көл шаарындагы Спорттук -Техникалык коргоо уюмунда жетекчи болуп эмгектенип жатамын.

Билимимди жогорулатуу максатында 2018-жылы Жалал-Абад мамлекеттик университетинин сырттан окуу бөлүмүнө тапшырып, аны 2023-жылы аяктап, “Ветеринария” адистиги боюнча “Ветеринардык врач” квалификациясына ээ болдум.

2022-2024-жылдары Жалал-Абад мамлекеттик университетинин Кара-Көл колледжинде сырттан окуп “Транспортто ташууларды уюштуруу жана башкаруу“ (Аба транспортунан башка транспорттун түрлөрү) адистиги боюнча “Техник-механик” квалификациясын алдым.

Өмүр жолумда иш менен эле чектелбестен шаардын коомдук-саясий иш-чараларынын катышуучусу болдум. 25.10.2012 - 25.12.2016 - жылдары Кара-Көл шаардык Кеңешинин 6-чакырылышынын депутаты болдум.

2021 - 2024-жылдары Кара-Көл шаардык Кеңешинин 8-чакырылышынын депутаты болуп иштедим.

2024-жылдын ноябрь айынан баштап Кара-Көл шаардык Кеңешинин 9-чакырылышынын депутаты болуп саясий муниципалдык кызматты аркалап келемин.

Үй- бүлөлүүмүн. 3 уулдун сүйүктүү энесимин.