КАРЫБЕК УУЛУ УЛУКБЕК
1990-жылы Ош облусунун Чоң-Алай районунда мугалимдер үй-бүлөсүндө төрөлгөн.
1998–2009-жылдары орто мектепте билим алып, 2009-жылы Жусуп Баласагын атындагы Кыргыз улуттук университетинин башкаруу жана бизнес институтуна "Сапатты башкаруу" адистиги боюнча кабыл алынган. 2014-жылы ийгиликтүү аяктап, инженер-менеджер квалификациясын алган.
Эмгек жолун 2011-жылы «Эхо Манаса» телеканалында кабарчы болуп баштаган. 2013-жылдан тарта «Түшүнүк» («Понятие») аттуу автордук телепрограмманын негиздөөчүсү жана алып баруучусу болгон. Ошол эле мезгилде «Дил мурогу» маданий-адептик борборунда менеджер кызматын аркалаган.
2015-жылы «Замандаш» саясий партиясынан Кыргыз Республикасынын Жогорку Кеңешине депутаттыкка талапкер болгон.
2016-жылдан бери «Чоң-Алай» коомдук бирикмесин төрагасы болуп иш алып барат.
2017-жылы «Марва» телеканалынын директору болуп дайындалган.
2019–2021-жылдары журналисттик иликтөөлөрдү жүргүзүп, өлкөдөгү бир катар коррупциялык көрүнүштөрдү, анын ичинде, алтын кендериндеги мыйзам бузуулар жана «Коопсуз шаар» долбоорундагы коррупциялык схемалар боюнча материалдарды жарыялаган.
2021-жылы кайрадан «Эл Үмүтү» партиясынан Кыргыз Республикасынын Жогорку Кеңешине депутаттыкка талапкерлигин көрсөтүп, 2024-жылы шаардык кеңештин депутаты болуп шайланган, 2025-жылдан баштап коомдук-саясий ишмердүүлүгүн активдүү улантууда.
Үй-бүлөлүү, үч баланын атасы.
Жоопкерчиликтүү, так, адамдар менен баарлашууга жөндөмдүү жана өз өлкөсүнүн өнүгүшүнө салым кошууну максат кылган мекенчил инсан.