1. Жалпы элдик тазалануу

- Касиеттүү жерибизди таштандылардан тазалоо;

-  Мамлекетибизде мыйзамсыз жүргөн чет элдик жарандарды контролго алуу;

- Мамлекеттик органдарда ачык бюджет жана элдик көзөмөл системасын киргизүү;

2. Улуттук идеология (унгу жол) тартип жана тарбия

- Улуттук идеологиябызга:“ Кыргыз жараны, элин, сатпайт, жерин сатпайт, намысын сатпайт добушун сатпайт”, - деп кошумча жазып, Улуттук идеологиябыздын негизинде мыйзамдарга өзгөртүүлөрдү киргизүү. Идеологиябыздын негизинде шайлоо мыйзамдарын өзгөртүү. Элге бирдей мүмкүнчүлүктөрдү түзүүгө жол ачуу. Адилеттүүктү орнотуу;

- Мектептерде жана ЖОЖдордо адеп, патриоттук жана үй-бүлөлүк баалуулуктар боюнча программаларды киргизүү;

- Мугалимдердин жана тарбиячылардын статусун жогорулатуу, эмгегин татыктуу баалоо;

-  Коомдук жайларда тартипти жана маданиятты сактоо боюнча жарандык жоопкерчиликти күчөтүү;

3.  Жарандардын ден соолугуна жана коопсуздугуна кам көрүү

-  Тамак аш коопсуздугу, элибиз кандай тамактанып жатканын текшерип, тамак аш сапатын жогорулатуу;

- Ар бир айылда медпункт жана санитардык кызматтарды жакшыртуу;

-  Жаштар жана балдар үчүн спорт аянтчаларын жана ден соолук борборлорун көбөйтүү;

- Коопсуздук системасын өркүндөтүү: видеокөзөмөл, жол коопсуздугу жана тез жардамдын жеткиликтүүлүгүн арттыруу;

4.  Курултай институтун бекемдөө

- Элдин үнүн угуу үчүн жергиликтүү курултайларды үзгүлтүксүз өткөрүү;

- Курултайдын чечимдерин мыйзам деңгээлине чыгарып, алардын аткарылышын көзөмөлдөө механизмин түзүү;

- Ар бир жаран саясий процесске катыша ала турган ачык диалог маданиятын өнүктүрүү;

5.  Жоопкерчиликти жогорулатуу 

- Мамлекеттик кызматкерлер үчүн жеке жоопкерчилик жана этика кодексин күчөтүү;

- Элдин ишенимин жоготкон атка минерлерди кызматтан четтетүү боюнча мыйзамдык демилгелер;

- Ар бир чечим боюнча жыйынтык жана отчет берүү маданиятын киргизүү;

- Мамлекетке улутка каршы иштеген мыйзамдарды учурунда колдогон аткаминерлерди люстрация кылуу;

6.  Ынтымакты бекемдөө

- Уруу, тил, аймак деген айырмачылыктарга карабай биримдикти жана боорукерликти колдоо;

- Коомдук иш-чаралар, маданий жана эл аралык долбоорлор аркылуу элди жакындаштыруу; 

-  Үй-бүлө институтун жана коңшулук мамилени чыңдоо;

7.  Жаштарга татыктуу билим, жана жумуш орун

- Жаш адистер үчүн жергиликтүү стажировкаларды жана иш орундарын түзүү;

- Кесиптик окуу борборлорун жана IT билим берүү долбоорлорун ачуу;

- Кадр даярдоодо азыртадан 10 жылга эрте ойлонуп чыгаан уул кыздарды мамлекеттик кызмат өтөөгө даярдоо;

Жогорудагы көрсөтүлгөн иштерди аткарууга болгон энергиямды, акылымды, күчүмдү жана билимимди жумшаганга даярмын.