Менин көз карашым
Мен элге кызмат кылуу, аймактардын кызыкчылыгын коргоо жана жарандардын жашоосунда чыныгы өзгөрүүлөрдү алып келүү үчүн Жогорку Кенешке талапкерлигимди коём. Менин максатым — ар бир жараныбыз татыктуу жашаган, ар бир аймак бирдей өнүккөн, кубаттуу жана адилеттүү Кыргызстанды куруу.
Программанын негизги багыттары:
1. Аймактарды жана инфраструктураны өнүктүрүү
- Казарман, Жумгал, Балыкчы жана Кочкор аймактарында жол, көпүрө, суу системаларын оңдоо жана куруу.
- Аймактык демилгелерди жана санариптик инфраструктураны колдоо.
- Жергиликтүү жумуш орундарын түзүү жана чакан ишкердикти өнүктүрүү.
2. Аялдар жана жаштарга колдоо көрсөтүү
- Аял ишкерлерге жеңилдетилген насыялар жана гранттар берүү.
- Жаштар үчүн билим берүү жана кесиптик окуу программаларын өнүктүрүү.
- Аялдардын коомдук жана саясий турмушка катышуусун кеңейтүү.
3. Айыл чарба жана ишкердик
- Фермерлерге колдоо, айыл чарба продукциясын кайра иштетүүнү өнүктүрүү.
- Консультациялык борборлорду жана микрокредиттик программаларды түзүү.
4. Билим берүү жана саламаттык сактоо
- Аймактардагы мугалимдер менен дарыгерлердин социалдык абалын жакшыртуу.
- Мектептерди жана ооруканаларды жаңылоо.
- Эне жана бала саламаттыгын коргоо программаларын өнүктүрүү.
5. Коррупцияга каршы күрөш жана адилеттик
- Мамлекеттик каражаттарды жана тендерлерди ачык жүргүзүү.
- Элдик көзөмөлдү күчөтүү.
- Жарандык коомдун ролун бекемдөө.
6. Экология жана таза суу
- Сууну, токойду жана жаратылыш байлыктарын коргоо.
- Суу булактарын тазалоо жана экологиялык технологияларды колдоо.
Жыйынтык
Кыргызстандын күчү — элдин биримдигинде. Менин максатым — элдин үнүн угузуп, чечимдер элдин кызыкчылыгы үчүн кабыл алынышын камсыз кылуу.