. Экономикалык өнүгүү

Максат: Туруктуу өсүш, иш менен камсыздоо жана аймактык тең салмактуу өнүгүү.

Негизги багыттар:

— Ишкердикти колдоо: чакан жана орто бизнеске салыктын жөнөкөйлөтүлгөн режими, мамлекеттик сатып алууларда приоритет.

— Аймактык өнүгүү: ар бир облуска өнөр жай жана агроиндустриялык парктарды түзүү.

— Агрардык сектор: фермерлерге жеңилдетилген насыя, логистика жана экспорттук колдоо борборлору.

— Санариптик экономика: IT секторун өнүктүрүү, жаш стартаптарга гранттык программа.

— Энергетика: кайра жаралуучу булактарды өнүктүрүү, ички рыноктун энергия коопсуздугун камсыздоо.

2. Социалдык саясат

Максат: Ар бир жаранга социалдык коргоо жана татыктуу жашоо шартын камсыздоо.

Негизги багыттар:

— Пенсия жана жөлөкпул системасын реформалоо, реалдуу жашоо деңгээлине шайкеш келүү.

— Медициналык камсыздандырууну кеңейтүү жана дары-дармекке жеткиликтүүлүктү жогорулатуу.

— Тоолуу аймак статусу, социалдык женилдиктер, эмгек акыны жогорулатуу.

— Арзан турак жай программасы (“Жаш үй-бүлө”, “Мугалимдин үй-бүлөсү”, “Дарыгердин үй-бүлөсү”).

— Майыптыгы бар адамдар үчүн инклюзивдүү инфраструктура.

3. Билим берүү жана илим

Максат: Билим сапатын жана атаандаштык жөндөмүн көтөрүү.

Негизги багыттар:

— Мугалимдердин айлыгын жогорулатуу жана кесиптик өнүгүүсүнө инвестиция салуу, социалдык женилдиктер.

— Мектептерди заманбап лабораториялар жана интернет менен камсыз кылуу.

— Университеттерди эл аралык стандарттарга ылайык реформалоо.

— STEM жана IT билим берүү системасын өнүктүрүү.

— Жогорку билимге жеткиликтүү жана гранттык программалар.

4. Гуманитардык өнүгүү

Максат: Улуттук биримдикти, маданий мурастарды жана руханий баалуулуктарды сактоо.

Негизги багыттар:

— Улуттук тилди жана көп тилдүүлүктү өнүктүрүү.

— Жаштардын жана ыктыярчылардын коомдук демилгелерин гранттык колдоо.

— Спорт жана саламат жашоо образын өнүктүрүү.

5. Аялдар жана балдарды коргоо

Максат: Коомдо тең укуктуулукту жана үй-бүлөлүк коопсуздукту камсыз кылуу.

Негизги багыттар:

— Үй-бүлөлүк зомбулукка каршы мыйзамдардын аткарылышын көзөмөлдөө.

— Аялдардын саясаттагы, ишкерликтеги жана мамлекеттик кызматтагы катышуусун 30%дан кем эмес деңгээлге жеткирүү.

— Балдардын укуктарын жана коопсуз чөйрөсүн камсыз кылуу (мектептерде психологиялык кызмат, балдар үйлөрүн реформалоо).

— Энелер үчүн жумуш жана үй-бүлө ортосундагы тең салмак түзүүчү шарттар (жарым күндүк жумуш, бала бакча жеткиликтүүлүгү).

6. Мамлекеттик башкаруу

Максат: Ачык, адилеттүү жана жарандарга жооптуу бийлик.

Негизги багыттар:

— Коррупцияга каршы системалуу механизмдер: ачык тендерлер, санариптик мамлекеттик кызматтар.

— Жергиликтүү өз алдынча башкарууну күчөтүү.

— Жарандардын чечим кабыл алуу процессине катышуусун кеңейтүү (элдик угуу, онлайн петициялар).