«Топоз чарбасын жандандыруу – Теңир Тоонун туруктуу келечеги»
Кандидат: Куленбеков Ырысбек
Регион: Теңир Тоо аймагы
1. Киришүү
Теңир Тоо — кыргыз элинин ыйык тоолору, бул жерде адам менен табият тынчтыкта жашап келген. Бардык малдын ичинен кыргыздын тагдыры менен айкалышкан өзгөчө жаныбар — бул топоз. Топоз — Кудай берген жаныбар, бийик тоолор менен таза табияттын белгиси. Ал чыдамкайлыктын, күчтүн жана туруктуулуктун символу. Кыргыз менен топозду Теңир бириктирген — бири тоонун сакчысы, экинчиси анын деми. Топоз чарбасын өнүктүрүү — бул жөн гана экономика эмес, бул руханий жана табигый тең салмактуулукка кайтуу.
2. Негизги максаттар
- Теңир Тоодо Эл аралык топоз чарбачылыгы борборун түзүү.
- Топоз чарбачылыгын кыргыздын ыйык кесиби катары жандандыруу.
- Топозду аймактын стратегиялык жана руханий ресурсу катары өнүктүрүү.
- Органикалык продукция өндүрүү жана экспорттоо.
- Илим жана билим берүү тармагын өнүктүрүү.
- Экотуризмди жана кыргыздын озгочо маданий жолун онуктуруу.
3. Иш-аракеттердин планы
|
Жыл |
Негизги иштер |
|
2026 |
«Топозу Теңир Тоо» ассоциациясын түзүү жана пилоттук чарбаларды ачуу. |
|
2028-2029 |
Эл аралык топоз чарбачылыгы борборун куруу. |
|
2029-2030 |
Экологиялык таза продукцияны экспорттоо |
|
2028–2030 |
Өндүрүү жана кайра иштетүү тармагын кеңейтүү, дүкөндөрдү ачуу. |
4. Коомдук жана руханий таасирлер
- Тоолуу райондордо туруктуу жумуш ордун түзүү.
- Айыл чарба үй-бүлөлөрүнүн кирешесин 2–3 эсе жогорулатуу.
- Кыргыздын нарктуу-салттуу жашоо жолун сактоо, урпактарга татыктуу откоруп беруу.
- Инфраструктураны өнүктүрүү (жолдор, байланыш, ветеринария).
- Адам, табият жана Теңир ортосундагы руханий байланышты жандандыруу.
5. Элге кайрылуу
Теңир Тоо — бул жөн гана тоолор эмес, бул кыргыз элинин ыйык жүрөгү. Кудай кыргыз менен топозду бир жолго коюп, алардын биримдигин ыйык кылган. Бүгүн биз ата-бабалардын жана Теңирдин осуятына ылайык, ушул мурастарды жандандырышыбыз керек.
Топоз чарбасын өнүктүрүү — бул биздин тоолордун, маданиятыбыздын жана келечегибиздин кайра жаралуусу!
Урааныбыз:
«Топоз — Теңир берген ырыскы, кыргыз — аны сактаган эл!»