АЛИМБЕКОВ НУРБЕК КААРЫЕВИЧ

 Туулган жылы: 13-март, 1975-жыл. Улуту кыргыз, үй-бүлөөлүү, 5 баланын атасы.

Туулган жери: Ош облусу, Кара-Суу району, Папан айылы.

Билими:

1997-жылы Ош технологиялык университетинин «инженер- технолог» адистигин аяктаган.

2000-жылы Ош технологиялык университетинин юридикалык факультетин аяктаган.

2007-жылы Ж. Баласагын атындагы Кыргыз мамлекеттик улуттук университетинин «финансы-кредит» адистигин аяктаган.

2012-жылы Кыргыз Республикасынын Президентине караштуу башкаруу академиясын бүтүргөн.

Эмгек жолу:

• 2003-жылы жеке ишкерликтен баштаган;
• 2005-2006-жылдары Кыргыз Республикасынын Каржы министрлигинде жетектөөчү адис болуп иштеген;
• 2008-2010-жылдары жоопкерчилиги чектелген «Папан Курулуш» ишканасынын директору болуп эмгектенген;
• 2008-2010-жылдар арасында  Бишкек шаардык кеңешинин депутаты, Свердлов райондук аймактык депутаттык топтун жетекчиси болгон;
• 2010-жылы «Республика» партиясынын тизмеси менен V чакырылыштагы Кыргыз Республикасынын Жогорку Кеңешинин депутаты болуп шайланган. Жогорку Кеӊештин Транспорт, коммуникациялар, архитектура жана курулуш боюнча комитетинин төрагасынын орун басары болгон;
• 2015-жылдын 4-октябрында “Кыргызстан” саясий партиясынан VI чакырылыштагы Кыргыз Республикасынын Жогорку Кеңешинин депутаты болуп шайланган;
• 2015-жылдын 6-ноябрында Кыргыз Республикасынын Жогорку Кеңешинин Төрагасынын орун басары кызмат ордуна шайланган;
• 2019-жылдын 29-майынан тартып Кыргыз Республикасынын Жогорку Кеңешинин Агрардык саясат, суу ресурстары, экология жана регионалдык өнүктүрүү боюнча комитетинин төрагасы.
• 2020-жылдын 14-октябрында “Кыргызстан” парламенттик фракциясынын лидери болуп шайланган;
• 2021-жылдын ноябрь айында №8 Төлөйкөн бир мандаттуу шайлоо округу      боюнча Кыргыз Республикасынын Жогорку Кеңешинин VII чакырылыштагы депутаты болуп шайланган.
• 2022-жылдын 27-декабрында Кыргыз Республикасынын Жогорку Кеңешинин Агрардык саясат, суу ресурстары, экология жана регионалдык өнүктүрүү боюнча комитетинин төрагасынын орун басары болуп шайланган.

Кыргыз Республикасынын мамлекеттик кызматынын 2-класстагы мамлекеттик кеңешчиси. Сыйлыктары:

2010-жылы Бишкек шаарынын Свердлов райондук администрациясынын Ардак грамотасы.

2011-жылы Кыргыз Республикасынын Жогорку Кеңешинин Ардак грамотасы.

2016-жылы Көз карандысыз мамлекеттер шериктештигинин Парламенттер аралык ассамблеясынын « За укрепление парламентского сотрудничества » медалы.

2018-жылы Көз карандысыз мамлекеттер шериктештигинин Парламенттер аралык ассамблеясынын «Содружество» ордени.

2020-жылы Айыл чарбанын мыктысы тѳш белгиси менен жана башка мамлекеттик сыйлыктар менен сыйланган.