Талапкер Ибраимова Аселя Раимбекованын
шайлоо алдындагы программасы
Көп мандаттуу № 19 шайлоо округу
Менин Кыргыз Республикасынын Жогорку Кеңешине депутаттыкка талапкер болуп катышуудагы максатым — өлкөнүн мыйзамдарын модернизациялоо жана өнүктүрүү, жарандардын укуктарын жана кызыкчылыктарын коргоо, социалдык туруктуулукту бекемдөө жана бардык деңгээлде социалдык колдоо системасын өркүндөтүү.
Программанын негизги багыттары:
- Кыргыз Республикасынын мыйзамдарынын аткарылышын көзөмөлдөө, социалдык инфраструктуралык объектилерди өнүктүрүү жана модернизациялоо боюнча долбоорлорду ишке ашырууга көмөктөшүү, калктын жашоо шарттарын жакшыртуу максатында финансы-экономикалык демилгелерди колдоо.
- Сокулук шайлоо округунун жана жалпы Кыргыз Республикасынын аймагындагы калк үчүн ыңгайлуу социалдык шарттарды түзүү максатында — жергиликтүү кеңеш депутаттарынын, айыл өкмөт башчыларынын жана райондук администрация өкүлдөрүнүн сунуштарын эске алуу менен мыйзам долбоорлорун иштеп чыгуу. Аталган мыйзамдардын толук аткарылышын көзөмөлдөө.
- Билим берүү, саламаттык сактоо жана социалдык инфраструктура тармактарында өнүктүрүү жана модернизациялоо боюнча стратегиялык программаларды жана долбоорлорду иштеп чыгуу. Бул программаларды мыйзамдардын негизинде ишке ашыруу механизмдерин түзүү.
- Жергиликтүү жана ведомстволук ченемдик-укуктук актыларды талдоо, алар социалдык долбоорлорду ишке ашырууга тоскоолдук кылып жатса — алардын ордуна жаңы ченемдик актыларды иштеп чыгууга демилге көтөрүү.
- Чүй облусунун Сокулук округундагы инфраструктуралык объектилерди өнүктүрүү боюнча долбоорлорду иштеп чыгып, калкты сапаттуу жана жеткиликтүү кызматтар менен камсыз кылуу.
- Аймактагы социалдык инфраструктура мекемелерине заманбап технологияларды жана жабдууларды киргизүү үчүн тоскоол болгон ченемдик актыларды талдоо жана зарыл болгон учурда аларды жаңылоого көмөктөшүү.
- Сокулук шайлоо округунун тургундары үчүн акысыз юридикалык консультация пункттарын ачуу жана укуктук жардам көрсөтүү.
- Эл аралык уюмдар жана чет өлкөдөгү мекендештер менен биргеликте аз камсыз болгон үй-бүлөлөргө, жалгыз бой энелерге, пенсионерлерге, мүмкүнчүлүгү чектелген жарандарга жана башка социалдык жактан аяр катмарга жардам көрсөтүүгө багытталган программаларды жана долбоорлорду иштеп чыгуу жана ишке ашыруу.